Azərbaycan Stolüstü Tennis Federasiyasının təşkilatçılığı ilə "Şüa" idman- sağlamlıq kompleksində Azərbaycan Respublikasının Konstitusiya Günü münasibətilə 2004- cü il və daha aşağı yaşlı oğlan və qızlar arasında stolüstü tennis üzrə ölkə birinciliyi başa çatıb.10-11noyabr tarixlərində təşkil olunmuş yarışlarda Qaradağ rayonu UGİM –in , "Lokomotiv " İSM-in , "Neftçi" İK-nin , Bakı Tennis Məktəbinin , eləcə də Sumqayıt , Şabran , Şirvan və Şəki şəhərlərinin 50 –dən artıq idmançısı yüksək mükafatlar uğrunda mübarizə aparıb. Tədbirin bağlanış mərasimində çıxış edən Azərbaycan Stolüstü Tennis Federasiyasının vitse – prezidenti Fazil Məmmədov dövlətimizin başçısı , Milli Olimpiya Komitəsinin prezidenti cənab İlham Əliyevin rəhbərliyi ilə fiziki – mənəvi sağlamlığın qorunması , idman və bədən tərbiyəsinin inkişafı sahəsində kompleks tədbirlərin həyata keçirildiyini diqqətə çatdırmış , ölkəmizin idman imicinin yüksəldilməsi , idmanın maddi – texniki bazasının möhkəmləndirilməsi , bölgələrdə müasir idman infrastrukturunun yaradılması istiqamətində reallaşdırılan tədbirlərdən danışıb. Federasiyanın vitse – prezidenti ölkəmizdə digər idman növləri ilə yanaşı , stolüstü tennisin də inkişaf etdiyini , bu idman növünə uşaq və yeniyetmələrin getdikcə artan marağını , onun inkişafı istiqamətində görülən işləri vurğulamışdır. Yarışlar şəxsi formatda və beynəlxalq stolüstü tennis qaydalarına uyğun keçirilib. Sonda qalib idmançılara diplom , kubok və mükafatlar , eləcə də onları çalışdıran məşqçilərə mükafatlar təqdim olunub.Qeyd etmək lazımdır ki, yarışda Şabran şəhərinin təmsilçisi , məşqçi Zakir Cavadovun yetirməsi olan 6 yaşlı Şəbnəm Mansurova iştirak edib və o, ən azyaşlı fəal idmançı kimi diploma layiq görülüb.

Turnirin qalibləri :
  2004- cü il və daha aşağı yaşlı oğlanlar arasında
I yer Emin Məmmədov ( Bakı Tennis Məktəbi )
II yer Kənan Pənahov ( Bakı Tennis Məktəbi )
III yer İlqar Əhmədov ( " Neftçi" idman klubu )
  2004 – cü il və daha aşağı yaşlı qızlar arasında
I yer Mikayılova Zemfira ( " Neftçi" idman klubu )
II yer Abdulhəmidova Ləman ( Şəki UGİM )
II yer Qasımova Aytac ( Qaradağ rayonu UGİM )

{gallery}shekiller/12-10-2015{/gallery}