Noyabr ayının 12-də Azərbaycanın stolüstü tennis üzrə yığma komandasının üzvləri Denq Simenq və Zou Çuyi baş məşqçi Aleksandr Zudovun rəhbərliyi ilə Estoniyaya yola düşüb. İdmançılarımız Haapsala şəhərində tanınmış tennis ustası Albert Kanepinin xatirəsinə həsr olunmuş yunior və kadetlər arasında keçiriləcək açıq turnirdə iştirak edəcəklər.Beynəlxalq Stolüstü Tennis Federasiyasının reytinq xarakterli tədbirində idmançılar komanda və şəxsi dərəcələrdə mübarizə aparacaqlar. Yarışlar noyabr ayının 15 – dək davam edəcək.