Stolüstü tennisçimiz Aylin Əsgərova Gürcüstanın paytaxtı Tbilisi şəhərində yeniyetmələrin “WTT YOUTH CONTENDER TBILISI” turnirində etimadı doğruldub. 17 yaşadək idmançıların mübarizəsinə qatılan tennisçi qrup mərhələsində İran və Qazaxıstan tennisçilərinə qalib gələrək 1/8 finala adlayıb. Ardınca daha iki qazaxıstanlı rəqibini də üstələyən tennisçimiz adını 1/2 finala yazdırıb. Finala çıxış uğrunda görüşdə isə Honkonq idmançısına uduzan Aylin Əsgərova turniri 3-cü pillədə başa vurub.
Daha iki tennisçimiz Mərziyyə Nurmətova ilə Yağmur Məmmədli də mükafatlar uğrunda mübarizəni davam etdirir.
Qeyd edək ki, oğlanların mübarizəsində Adil Əhmədzadə ilə Onur Quluzadə 3-cü yeri tutub.

Gürcüstanın paytaxtı Tbilisi şəhərində “WTT YOUTH CONTENDER TBILISI” turniri davam edir.
Bu gün 11 yaşadək tennisçilərin yarışında qüvvəsini sınayan Yağmur Məmmədlinin startı uğurlu alınıb. Keçirdiyi iki qarşılaşmadan qalib ayrılan tennisçi sabah mükafatlar uğrunda görüşlərdə etimadı doğrultmağa çalışacaq.
Bu gün 15 yaşadək idmançıların turnirinə qatılan Mərziyyə Nurmətova da qrup mərhələsini inamla adlayaraq 1/16 finala vəsiqə qazanıb. O, sabah mübarizəni davam etdirəcək.
Qeyd edək ki, sözügedən yarışda 18 ölkənin idmançıları bacarıqlarını göstərirlər.

Stolüstü tennisçimiz Aylin Əsgərova Gürcüstanın paytaxtı Tbilisi şəhərində yeniyetmələrin “WTT YOUTH CONTENDER TBILISI” turnirində uğurla çıxış edir. Bu gün 17 yaşadək idmançıların mübarizəsinə qatılan tennisçi qrup mərhələsində İran və Qazaxıstan tennisçilərinə qalib gələrək 1/8 finala adlayıb. Ardınca daha iki qazaxıstanlı rəqibini də üstələyən tennisçimiz adını 1/2 finala yazdırıb. O, sabah finala çıxış uğrunda Honkonq idmançısı ilə qarşılaşacaq.
Qeyd edək ki, bu gün yarışa qatılan daha bir tennisçimiz Arzu Aslanova ¼ finalda mübarizəni dayandırıb.

Gürcüstanın paytaxtı Tbilisi şəhərində yeniyetmə stolüstü tennisçilərin “WTT YOUTH CONTENDER TBILISI” turniri davam edir.Bu gün 17 yaşadək idmançıların mübarizəsinə qatılan Arzu Aslanova ilə Aylin Əsgərova mükafatlara doğru inamla irəliləyir. Arzu Aslanova qrup mərhələsində iranlı və özbəkistanlı rəqibləri üzərində qələbələrlə 1/8 finala adlayıb. Bu mərhələdə Gürcüstan idmançısını da yolundan kənarlaşdıran Aslanova ¼ finala yüksəlib.Eyni yaş qrupundakı digər təmsilçimiz Aylin Əsgərova ilkin mərhələdə İran və Qazaxıstan tennisçilərinə qalib gəlib. Ardınca daha bir qazaxıstanlı rəqibini də üstələyən tennisçimiz adını 1/4 finala yazdırıb.

Gürcüstanın paytaxtı Tbilisi şəhərində yeniyetmə stolüstü tennisçilərin “WTT YOUTH CONTENDER TBILISI” turniri davam edir. Bu gün qızlar mübarizəyə başlayıblar.
Sentyabrın 23-dən 25-dək davam edəcək turnirdə məşqçilər Elnur Hidayətzadə və Gülnarə İbrahimovanın rəhbərliyi ilə Mərziyyə Nurmətova, Arzu Aslanova, Aylin Əsgərova və Yağmur Məmmədli etimadı doğrultmağa çalışacaq.
Qeyd edək ki, oğlanların mübarizəsində Adil Əhmədzadə ilə Onur Quluzadə 3-cü yeri tutub.